O sur de Galicia sufriu unha onda de incendios devastadora. Os que tivemos que enfrontarnos ás súas consecuencias e loitar contra as lapas, nunca o esqueceremos. E sempre recordaremos que a loita contra o lume foi, na meirande parte dos casos, levada a cabo de forma heroica polos veciños. O Estado non existiu. Unha vez máis, foi o pobo quen salvou ao pobo.
Que en Vigo, non nunha inaccesible aldea, senón na maior cidade galega, tiveran que ser os veciños quen se enfrontasen e sufocasen as lapas, mostra a total bancarrota da política antiincendios da Xunta e o Estado. Para esmagar ao pobo de Catalunya, mobilizan todos os efectivos que sexan precisos. Para salvar ao pobo das lapas, déixannos sós.
